News Gujarati
આજે એટલે કે સોમવાર 7 એપ્રિલના રોજ શેરબજારમાં મોટો ઘટાડો જોવા મળ્યો છે. વૈશ્વિક સ્તરે ટ્રેડવૉરની શરૂઆત સાથે જ શેરબજારમાં ભૂકંપ આવ્યો છે. શેરબજારમાં કોવિડ મહામારી જેવા મોટા કડાકા પાછળનું કારણ ટેરિફના લીધે વૈશ્વિક સ્તરે મંદીના એંધાણ છે. વૈશ્વિક શેરબજારોમાં અફરાતફરીના માહોલ છે. રોકાણકારોની મૂડીમાં આજે 20 લાખ કરોડનું ધોવાણ થયું છે. સેન્સેક્સ 3000 પોઈન્ટ (4%) થી વધુ ઘટીને 72,300ની આસપાસ ટ્રેડ થઈ રહ્યો છે. નિફ્ટી 900 પોઈન્ટ (4.50%) ઘટ્યો છે. તે 22,000ની નીચે ટ્રેડ થઈ રહ્યો છે. સેન્સેક્સના તમામ 30 શેર નીચા ભાવે ટ્રેડ થઈ રહ્યા છે.
બજારમાં ઘટાડા માટે ત્રણ કારણો
અમેરિકાના નવા ટેરિફ: અમેરિકાએ ભારત પર 26% ટેરિફ લાદવાની જાહેરાત કરી છે. ભારત ઉપરાંત, ચીન પર 34%, યુરોપિયન યુનિયન પર 20%, દક્ષિણ કોરિયા પર 25%, જાપાન પર 24%, વિયેતનામ પર 46% અને તાઇવાન પર 32% ટેરિફ લાદવામાં આવશે.
ચીને અમેરિકા પર પણ 34% ટેરિફ લાદ્યો: ચીને શુક્રવારે અમેરિકા પર 34% બદલો ટેરિફ લાદવાની જાહેરાત કરી. નવો ટેરિફ 10 એપ્રિલથી અમલમાં આવશે. બે દિવસ પહેલા, યુએસ રાષ્ટ્રપતિ ટ્રમ્પે વિશ્વભરમાં ટિટ ફોર ટેટ ટેરિફ લાદ્યા હતા. આમાં, ચીન પર 34% નો વધારાનો ટેરિફ લાદવામાં આવ્યો. હવે ચીને અમેરિકા પર પણ આ જ ટેરિફ લાદ્યો છે.
વૈશ્વિક બજારોમાં ગભરાટ અને આર્થિક મંદી અંગે ચિંતા: ટ્રમ્પની નીતિઓથી વૈશ્વિક અર્થતંત્રમાં મંદીની શક્યતા વધી છે, જેની અસર ભારત પર પણ પડી રહી છે. જો ટેરિફને કારણે માલ મોંઘો થશે, તો લોકો ઓછી ખરીદી કરશે, જે અર્થતંત્રને ધીમું કરી શકે છે.
ગુજરાત તેમજ દેશ અને દુનિયા ની તાજી ખબરો મેળવો ફક્ત News Gujarati પર.
