ફર્નિચરમાં થઇ ગઇ છે ઉધઇ તો ચપટીમાં આ રીતે કરો દૂર

ઉધઇને દૂર કરવા માટે લીમડાનું તેલ પણ એક સહેલો ઉપાય છે. આ વાત અલગ છે કે તેનાથી કામ ધીમે-ધીમે કરે છે. પરંતુ સતત તેનો પ્રયોગ કરવાથી ઉધઇની સમસ્યા ઓછી થઇ જાય છે.સાબુના પાણીથી પણ ઉધઇ દૂર ભાગે છે. રોજ 4 કપ પાણીમાં સાબુની ફીણ કરી તેનું પાણી બનાવો. આ પાણીને રોજ ફર્નિચર પર છાંટો. આ કાર્ય ત્યાં સુધી કરો કે જ્યાં સુધી તમને ફરક નજરે ન પડે. સાબુના પાણીથી ઉધઇ ઝડપથી દૂર થશે.તે સિવાય સફેદ વિનેગર પણ ઉધઇને દૂર ભગાડવામાં ફાયદાકારક છે. સફેદ વિનેગરને ઉધઇ થયેલી જગ્યા કે ફર્નિચર પર વિનેગર છાંટવાથી ઉધઇથી રાહત મળે છે.મીઠાનો ઉપયોગ સ્વાદ વધારવાની સાથે ઉધઇ દૂર કરવા માટે પણ થાય છે. પાણીમાં મીઠું ઉમેરીને તે પાણી છાંટવાથી ઉધઇનો નાશ થાય છે.